Posted by Gürcüstanın xarici işlər naziri: “Abxaziya dəmir yolunun bərpası üçün Rusiya ilə hər hansı danışıqlar aparılmır”
Gürcüstan tərəfi Abxaziyadakı dəmir yolunun bərpası mövzusunda Rusiya ilə heç bir danışıq aparmır. APA-nın Gürcüstan bürosunun məlumatına görə, bunu Gürcüstanın xarici işlər naziri Tamara Beruçaşvili jurnalistlərə açıqlamasında deyib. O bildirib ki, hər hansı infrastruktur layihəsinə və digər layihələrə Gürcüstanın dövlət maraqlarına cavab verdiyi təqdirdə baxıla bilər.
Gürcüstanın barışıq və vətəndaş bərabərliyi məsələləri üzrə dövlət naziri Paata Zakareişvili isə APA-ya açıqlamasında Abxaziya dəmir yolunun bərbad vəziyyətdə olduğunu və bu yolun Ermənistan istiqamətində açılması barədə heç bir danışıqların aparılmadığını söyləyib.
APA.az
