ADA Universiteti Giresun Universiteti ilə əməkdaşlıq haqqında memorandum imzalayıb

ADA Universiteti Giresun Universiteti ilə əməkdaşlıq haqqında memorandum imzalayıb

ADA Universiteti ilə Türkiyənin Giresun Universiteti akademik və mədəni əlaqələrin yaradılması və genişləndirilməsi məqsədi ilə əməkdaşlıq memorandumu imzalayıblar.

ADA Universitetindən Trend-ə verilən məlumata görə, memoranduma əsasən, hər iki təhsil ocağı arasında müəllim və professor heyəti, o cümlədən tədqiqatçı və tələbə mübadiləsi, tədqiqat layihələrində qarşılıqlı iştirak, birgə elmi konfranslar, forumlar və mədəni tədbirlərin təşkili, yay proqramlarında qarşılıqlı iştirak, distant təhsil proqramlarının yaradılması, kitab və digər elmi resursların mübadiləsi kimi işlərin həyata keçirilməsi nəzərdə tutulur.

Momorandum ADA Universitetinin rektoru Hafiz Paşayev və Giresun Universitetinin rektoru Aygün Attar tərəfindən imzalanıb.

 

Trend.az