Posted by 
Qətər səfiri səylərini əsirgəməyəcək
Azərbaycanın xarici işlər naziri Elmar Məmmədyarov Qətər Dövlətinin ölkəmizə yeni təyin olunmuş səfiri Səyar Rəhman Əl-Mavdahı qəbul edib.
Xarici İşlər Nazirliyinin mətbuat xidmətindən Trend-ə verilən məlumata görə, görüşdə iki ölkə arasında əlaqələrin inkişafından məmnunluq ifadə olunaraq, qarşılıqlı səfərlərin və iki ölkənin biznes dairələri arasında təmasların artırılmasının vacibliyi vurğulanıb.
Səfir ölkəsinin bütün sahələrdə Azərbaycanla əməkdaşlığı inkişaf etdirməkdə maraqlı olduğunu qeyd edərək, diplomatik fəaliyyəti müddətində ikitərəfli əlaqələrin genişləndirilməsi üçün səylərini əsirgəməyəcəyini bildirib.
Görüş əsnasında S.Rəhman Əl-Mavdah etimadnaməsinin surətini E.Məmmədyarova təqdim edib.
Nazir səfirə diplomatik fəaliyyətində uğurlar arzulayıb.
Trend.az
