Əqli mülkiyyətin qorunması ilə bağlı Azərbaycan MDB məkanında lider mövqeyə yüksəlib

Posted by

Əqli mülkiyyətin qorunması ilə bağlı Azərbaycan MDB məkanında lider mövqeyə yüksəlib

Əqli mülkiyyətin qorunması ilə bağlı Azərbaycan MDB məkanında lider mövqeyə yüksəlib.
Müəllif Hüquqları Agentliyindən cümə axşamı Trend-ə bildiriblər ki, Dünya İqtisadi Forumunun 2013-2014-cü illər üçün “Qlobal Rəqabətlilik Hesabatı”nda 2013-2014-cü ilin hesabatına əsasən, əqli mülkiyyətin qorunması ilə bağlı Azərbaycan MDB məkanında şərhsiz lider mövqeyindədir: ölkəmiz 69-cu yeri tutaraq, Qazaxıstanı 4 pillə, Rusiyanı 44 pillə və Ukraynanı 64 pillə üstələyir.
Ümumiyyətlə, son illərin hesabatlarına (2010-2011, 2011-2012, 2012-2013, 2013-2014) əsasən, Azərbaycan əqli mülkiyyət sahəsində Cənubi Qafqazda ən qabaqcıl dövlət kimi təqdim olunur.
Digər komponentlərlə yanaşı, əqli mülkiyyətin qorunmasını dolayısı yolla əks etdirən innovasiyalar göstəricisinə əsasən, Azərbaycan 51-ci yeri tutaraq MDB dövlətləri arasında da birincidir.
Müəllif Hüquqları Agentliyindən bildiriblər ki, Azərbaycan Respublikası Prezidenti İlham Əliyevin 2012-ci il 29 dekabr tarixli 800 nömrəli Fərmanı ilə təsdiq edilmiş “Azərbaycan 2020: gələcəyə baxış” İnkişaf Konsepsiyasında əqli mülkiyyət prioritet istiqamətlərdən biri kimi müəyyən edilib.