Prezident İlham Əliyev: Hər bir dövlət məmuru öz məsuliyyətini dərk etməli, xalqla bir yerdə olmalıdır

Posted by

Prezident İlham Əliyev: Hər bir dövlət məmuru öz məsuliyyətini dərk etməli, xalqla bir yerdə olmalıdır

 

Prezident İlham Əliyev: Hər bir dövlət məmuru öz məsuliyyətini dərk etməli, xalqla bir yerdə olmalıdır

Prezident İlham Əliyev: Hər bir dövlət məmuru öz məsuliyyətini dərk etməli, xalqla bir yerdə olmalıdır

 

Əminəm ki, növbəti illərdə rüşvətxorluğa və korrupsiyaya qarşı mübarizəmiz daha da gözəl nəticələr verəcəkdir. Bunu deməyə əsas verən görülən işlərdir, aparılan islahatlardır və güclü siyasi iradəmizdir. Azərbaycanda korrupsiyaya və rüşvətxorluğa yer olmamalıdır. Bütün dövlət məmurları bunu eşitsinlər, bilsinlər və elə işləsinlər ki, həmişə dövlət və xalq qarşısında alnıaçıq, üzüağ olsunlar.

AzərTAc xəbər verir ki, bu fikirləri Prezident İlham Əliyev fevralın 5-də Azərbaycan Respublikası regionlarının sosial-iqtisadi inkişafı Dövlət proqramlarının icrasına həsr olunmuş konfransda bildirmişdir.

Dövlətimizin başçısı daha sonra demişdir: Hər bir dövlət məmuru öz məsuliyyətini dərk etməlidir, təmiz işləməlidir, xalqla bir yerdə olmalıdır, təvazökar, işgüzar və vətənpərvər olmalıdır, rüşvət almamalıdır, özünü xalqdan üstün tutmamalıdır, işlədiyi bölgələrdə, sahələrdə hörmət qazanmalıdır və Vətənə sadiq, sədaqətli olmalıdır. Heç bir xarici dairənin təsiri altına düşməməlidir. Bax, budur əsas prinsiplər. Hər bir dövlət məmurundan tələb edirəm ki, bu prinsiplərə əməl etsin.

Korrupsiyaya və rüşvətxorluğa qarşı mübarizədə ciddi cəza tədbirlərinin görüldüyünü və görüləcəyini vurğulayan dövlətimizin başçısı burada heç kimə güzəşt olunmayacağını bildirərək demişdir: Dövlət məmuru xalqın xidmətçisidir. Xalqın birinci xidmətçisi mənəm və bütün dövlət məmurları belə işləməlidirlər. Ona görə, mən bir daha bunu demək istəyirəm ki, rüşvətxorluğa bulaşmış insanlar çox ciddi şəkildə cəzalandırılacaqlar. Kimsə nəticə çıxarmayıbsa, nəticə çıxarsın. Növbəti beş il ərzində Azərbaycan korrupsiyaya və rüşvətxorluğa qarşı mübarizədə də nümunəvi ölkə olmalıdır.

 

AzərTAc.az