Azərbaycanda bələdiyyə seçkiləri ilə əlaqədar informasiya sessiyalarına başlanılır

Azərbaycanda bələdiyyə seçkiləri ilə əlaqədar informasiya sessiyalarına başlanılır

Azərbaycanda 2014-cü il dekabrın 23-nə təyin edilmiş bələdiyyə seçkiləri ilə əlaqədar layihələr davam etdirilir.

 

Mərkəzi Seçki Komissiyasından Trend-ə verilən məlumata görə, Avropa Şurası və Azərbaycanın 2014-2016-cı illər üzrə birgə Fəaliyyət Planına uyğun olaraq dekabrın 5-dən etibarən informasiya sessiyalarına start verilir. Azərbaycan Prezidenti Administrasiyası, Mərkəzi Seçki Komissiyası və Avropa Şurasının Azərbaycandakı ofisinin birgə layihəsi olan sessiyalar “Seçki prosesində yerli icra hakimiyyətləri və dairə seçki komissiyalarının səlahiyyət və vəzifələri” mövzusuna həsr olunub.

 

İcra hakimiyyətlərinin başçıları və dairə seçki komissiyaları sədrlərinin iştirakı ilə həyata keçiriləcək tədbirlərdə mövzu ilə bağlı çıxışlar dinləniləcək, təqdimatlar və müzakirələr aparılacaq.

 

İnformasiya sessiyaları 2014-cü il dekabrın 5-də Şəmkirdə, dekabrın 6-da Şirvanda və dekabrın 8-də Bakıda keçiriləcək.

 

Trend.az