Posted by 
Avropa Şurası baş katibinin Azərbaycana səfəri başlayıb
Avropa Şurasının baş katibi Tyorbörn Yaqland Azərbaycanda səfərdədir.
Avropa Şurası baş katibinin mətbuat katibi Daniel Holgen APA-ya bildirib ki, səfərin əsas məqsədi Azərbaycanın Avropa Şurasında sədrliyi dövründə Azərbaycan-Avropa Şurası fəaliyyət planını müzakirə etməkdir.
Onun sözlərinə görə, səfər çərçivəsində T.Yaqland Azərbaycan prezidenti İlham Əliyev, Milli Məclis sədri Oqtay Əsədov, habelə xarici işlər naziri Elmar Məmmədyarov, energetika naziri Natiq Əliyev və ədliyyə naziri Fikrət Məmmədovla görüşlər keçirəcək.
Səfər mayın 22-dək davam edəcək.
Apa.az
