Posted by 
Aşqabadda Xəzərin hüquqi statusuna dair konvensiyanın hazırlanması üzrə xüsusi işçi qrupunun iclası başlayıb
Toplantıda Azərbaycanı xarici işlər nazirinin müavini Xələf Xələfov təmsil edir
Aşqabadda Xəzər dənizinin hüquqi statusuna dair konvensiyanın hazırlanması üzrə xüsusi işçi qrupunun 36-cı iclası başlayıb.
APA-nın məlumatına görə, toplantıda Azərbaycanı xarici işlər nazirinin müavini Xələf Xələfov təmsil edir.
İclas sabah başa çatacaq.
Qeyd edək ki, Türkmənistan prezidenti Qurbanqulu Berdımuhəmmədov hökumətin iclasında ölkəsinin Xəzər regionunda sülh və sabitliyin tərəfdarı olduğunu bildirib. O qeyd edib ki, Aşqabad Xəzərin hüquqi statusunun müəyyənləşdirilməsində bütünü sahilyanı ölkələrin milli maraqları nəzərə alınmaq şərtilə konstruktiv dialoqu dəstəkləyir.
Apa.az
