Riqada “Şərq Tərəfdaşlığı” Proqramının üzvü olan ölkələrin sammiti açılır

Posted by

Riqada “Şərq Tərəfdaşlığı” Proqramının üzvü olan ölkələrin sammiti açılırRiqada “Şərq Tərəfdaşlığı” Proqramının üzvü olan ölkələrin sammiti açılır

Riqada “Şərq Tərəfdaşlığı” Proqramının üzvü olan ölkələrin sammiti açılır

Mayın 21-də Riqada ikigünlük “Şərq Tərəfdaşlığı” sammiti açılır. Sammit Aİ-nin keçmiş Sovet İttifaqının 6 ölkəsi ilə “Şərq Tərəfdaşlığı” Proqramı çərçivəsində keçirilir.

 

Aİ ölkələrinin liderləri – Almaniya kansleri Angela Merkel, Fransa Prezidenti Fransua Olland, habelə Böyük Britaniyanın Baş naziri Devid Kemeron Riqaya gəliblər. D.Kemeron mayın 22-də Aİ-də islahatlar aparılması və Britaniyanın bu blokda qalması şərtləri barədə avropalı tərəfdaşları ilə danışıqlara başlayacaq.

 

“Şərq Tərəfdaşlığı” Proqramının üzvü olan ölkələrin – Ukrayna, Ermənistan və Moldovanın prezidentləri də sammitdə iştirak edəcəklər.

 

Azərbaycanı Prezident Administrasiyası rəhbərinin müavini, xarici əlaqələr şöbəsinin müdiri Novruz Məmmədov və xarici işlər naziri Elmar Məmmədyarov təmsil edirlər. Belarus və Gürcüstan xarici işlər nazirləri səviyyəsində təmsil olunacaqlar.

 

Rəsmi Riqa vəd edir ki, Ukrayna mövzusu əsas mövzulardan biri olsa da, başlıca mövzuya çevrilməyəcək. Rusiya ilə münasibətləri yaxşılaşdırmaq müzakirə ediləcək başlıca məsələlərdən biri olacaq.

 

Latviya XİN-in parlament katibi Zanda Kalninya-Lukaşevitsa Avropa Parlamentinin plenar iclasının müzakirələrində vurğulayıb ki, Riqa sammitində “Şərq Tərəfdaşlığı”nın gələcək inkişafına müsbət istiqamət vermək lazımdır. O bildirib ki, “Şərq Tərəfdaşlığı” və Aİ-nin bu

 

proqramın iştirakçıları olan ölkələrlə münasibətləri heç bir ölkəyə qarşı yönəlməyib.

 

Z.Kalninya Lukaşevitsa bildirib ki, Riqa sammiti Aİ-nin “Şərq Tərəfdaşlığı” ölkələri ilə bundan sonra da münasibətlər qurmaq niyyətini

 

bir daha təsdiq etmək üçün yaxşı imkan olacaq.

 

AzərTac.az