Barak Obama: Dağlıq Qarabağ münaqişəsinin nizamlanması üzrə danışıqlarda sülhün bərqərar olunması üçün yeni səylərin göstərilməsi vaxtı yetişib

Posted by

Barak Obama: Dağlıq Qarabağ münaqişəsinin nizamlanması üzrə danışıqlarda sülhün bərqərar olunması üçün yeni səylərin göstərilməsi vaxtı yetişib

Barak Obama: Dağlıq Qarabağ münaqişəsinin nizamlanması üzrə danışıqlarda sülhün bərqərar olunması üçün yeni səylərin göstərilməsi vaxtı yetişibBarak Obama: Dağlıq Qarabağ münaqişəsinin nizamlanması üzrə danışıqlarda sülhün bərqərar olunması üçün yeni səylərin göstərilməsi vaxtı yetişib

Amerika Birləşmiş Ştatlarının Prezidenti Barak Obama Azərbaycan Respublikasının Prezidenti İlham Əliyevə məktub ünvanlayıb.
Məktubda qeyd olunur: “Bakıya ilk rəsmi səfəri münasibətilə mən ABŞ-ın ATƏT-in Minsk qrupunda yeni həmsədri təyin olunmuş səfir Ceyms Uorlikə tam dəstək verdiyimi Sizə çatdırmaq istərdim. Onun bu yaxınlarda təyin olunması tərəflərin Dağlıq Qarabağ münaqişəsinin sülh yolu ilə həllinə nail olmasına yardım etmək işinə Birləşmiş Ştatların qəti və birmənalı sadiqliyinin güclü göstəricisidir.
Ümidvaram ki, səfir Uorlikin zəngin diplomatik təcrübəsi və hökumətinizin irəliləyişə nail olmaq arzusu həmsədrlərin işinə və sülh prosesinə yeni təkan verəcəkdir. Mən gələn aylar ərzində Ermənistan ilə birbaşa dialoq imkanlarından yararlanmağınızı və danışıqlarda hazırkı çıxılmaz vəziyyətdən çıxış yolu tapmaq üçün həmsədrlərin vaxtından və bacarığından istifadə etməyinizi dəstəkləyirəm. Artıq danışıqlarda müəyyən edilmiş kompromis çərçivəsində regionda sülhün bərqərar olunması üçün yeni səylərin göstərilməsi vaxtı yetişib”.