Posted by 
Qırğızıstanın yeni səfiri etimadnaməsinin surətini Azərbaycanın xarici işlər nazirinə təqdim edib
Azərbaycanın xarici işlər naziri Elmar Məmmədyarov Qırğızıstanın ölkəmizdə yeni təyin olunmuş səfiri Ayciqit Buranov ilə görüşüb.
Xarici İşlər Nazirliyinin mətbuat xidmətindən AzərTAc-a verilən məlumata görə, səfir Ayciqit Buranov etimadnaməsinin surətini nazir Elmar Məmmədyarova təqdim edib.
Səfir ölkəsinin bütün sahələrdə Azərbaycan ilə əməkdaşlığı inkişaf etdirməkdə maraqlı olduğunu bildirib, diplomatik fəaliyyəti müddətində ikitərəfli əlaqələrin inkişafı üçün səylərini əsirgəməyəcəyini söyləyib.
Elmar Məmmədyarov səfirə diplomatik fəaliyyətində uğurlar arzu edib.
AzərTac.az
