Posted by Azərbaycan Milli Məclisinin növbəti plenar iclası keçirilir.
APA-nın məlumatına görə, iclası açıq elan edən spiker Oqtay Əsədov iclasda iştirak edən Mehriban Əliyevanı birinci vitse-prezident təyin olunması münasibətilə deputatlar adından təbrik edib.
O. Əsədov qeyd edib ki, Mehriban Əliyeva parlament fəaliyyəti ilə qanunvericiliyin inkişafına böyük töhfə verib: “Mehriban xanım 4 amnistiya aktının müəllifidir. Hər amnistya aktrının 10 min insanın azadlığa qovuşmasına nəzərə alsaq, Mehriban xanımın minlərlə ailəyə sevinc bəxş etdiyini görmüş olarıq. Bundan başqa, Mehriban xanım ABŞ və Fransa ilə parlamentlərarası əlaqələrin inkişafında da müstəsna rol oynayıb. O, Heydər Əliyev Fondunun rəhbəri kimi də xalq arasında müstəsna hörmətə və nüfuza malikdir”.
Spiker bildirib ki, bu təyinat ölkənin ictimai-siyasi həyatına yeni nəfəs gətirəcək: “Biz inanrııq ki, Mehriban xanım bu vəzifədə də öz xalqına böyük xidmətlər göstərəcək”.
İclasın gündəliyinə 13 məsələ daxildir.
Bunlar arasında Azərbaycan Respublikasının İnsan hüquqları üzrə müvəkkilinin (Ombudsmanın) illik məruzəsi də var.
Apa.az
