Posted by 
Lvovda GUAM-ın fövqəladə hallar üzrə ekspertlərinin iclası keçirilib
Oktyabrın 25-26-da Lvov Dövlət Həyat Fəaliyyətinin Təhlükəsizliyi Universiteti bazasında GUAM-ın fövqəladə hallar üzrə işçi qrupunun (FHİQ) 15-ci iclası keçirilib. Bu barədə AZƏRTAC-a təşkilatın Ukrayna paytaxtındakı qərargahında məlumat verilib.
İclas iştirakçıları işçi qrupun cari ildəki fəaliyyəti barədə hesabatı nəzərdən keçirib, həmçinin 2017-ci il üçün iş planı qəbul ediblər.
Tədbir çərçivəsində xilasetmə bölmələrinin fövqəladə halların nəticələrinin aradan qaldırılmasına dair fəaliyyəti mövzusunda praktiki seminar keçirib. Seminarda Universitetin müəllim heyəti və kursantları iştirak ediblər.
İclasda 2017-2018-ci illərdə FHİQ-də əlaqələndirici funksiyasını Gürcüstan tərəfinin həyata keçirməsi barədə qərar qəbul edilib.
İşçi qrupun növbəti profil iclası 2017-ci ilin ikinci rübündə Gürcüstanda keçiriləcək.
AZƏRTAC
