Posted by 
Dəmir yolunun Böyük Kəsik – Bakı istiqamətində hərəkət biryollu bərpa olunub
Azərbaycanın dəmiryolu xəttində hərəkət biryollu bərpa olunub.
“Azərbaycan Dəmir Yolları” Qapalı Səhmdar Cəmiyyətinin Mətbuat Katibliyindən Trend-ə bildiriblər ki, qurumun İnfrastruktur Departamentinin, “Dəmiryolservis” MMC-nin və “Fövqəladə Hallar Qatarı” MMC-nin canlı qüvvəsinin və texnikasının gücü ilə gecə saat 23.30-da Böyük Kəsik – Bakı istiqamətində hərəkət biryollu bərpa edilib. Sərnişin və yük qatarlarının hərəkətində heç bir ləngimə qeydə alınmayıb.
İkinci yolun bərpası istiqamətində işlər davam edir.
Qeyd edək ki, yanvarın 29-da saat 12:15-də “Azərbaycan Dəmir Yolları” Qapalı Səhmdar Cəmiyyətinin Muğan-Qarasu mənzilində Hacıqabuldan Gəncə istiqamətinə hərəkət edən yük qatarının 15 vaqonu relsdən çıxmış, 6 taxıl və 1 tikinti materialı vaqonu aşmış və yükü dağılmış, nəticədə hər iki istiqamətdə qatarların hərəkəti dayandırılmışdı.
Trend.az
