Posted by 
Deputat Milli Məclisdə cəbhə bölgəsində yaşayan əhaliyə güzəştlər tətbiq olunması məsələsini qaldırıb
Azərbaycan Milli Məclisinin bu gün keçirilən iclasında cəbhə bölgəsində yaşayan əhali ilə bağlı yeni təklif səsləndirilib.
APA-nın məlumatlına görə, deputat Qənirə Paşayeva qeyd edib ki, bu gün cəbhə bölgəsində yaşayan əhali faktiki atəş altındadırlar: “Əlbəttə, Milli Ordu düşmənə layiqincə cavab verir. Ancaq bu gərginlikdə yaşayan uşaqlarla digər rayonda yaşayanlar arasında fərq var. Təklif edirəm ki, bu bölgələrdə yaşayan tələbələr ödənişdən azad olunsun. Digər məsələ bu bölgədən olanların kommunal xərclərdən azad olunmasını istərdim. Daha sonra isə həmin ərazilərdə iş yerləri açanların vergidən azad olunmasını və digər bu kimi güzəştlərin tətbiq olunmasını təklif edirəm”.
Apa.az
