Posted by 
BMT İnsan Hüquqları Şurasının iclasında Azərbaycan Ermənistanın təcavüzünə diqqət çəkdi
BMT-nin İnsan Hüquqları Şurası bu gün səhər saatlarında irqçilik, irqi diskriminasiya, ksenofobiya və onlarla bağlı dözümsüzlük məsələləri üzrə ümumi müzakirəni başa çatdırıb.
Trend-in təşkilatın saytına istinadən verdiyi məlumata görə, ümumi müzakirələr sentyabrın 26-da başlayıb.
Müzakirələr zamanı azərbaycanlı spikerlər qeyd ediblər ki, Azərbaycan Qərblə Şərqin kəsişdiyi unikal yerdir.
Çıxış edənlər qeyd ediblər ki, Ermənistanın hərbi təcavüzü nəticəsində Azərbaycan ərazisinin bir hissəsi işğal altındadır və 1 milyona yaxın azərbaycanlı qaçqın və məcburi köçkün statusunda qalır.
Azərbaycan tərəfinin nümayəndələri çıxışlarında bildiriblər ki, əgər Ermənistan təcavüzkar siyasətini dayandırmasa, bu ölkə üçün nəticələr vahiməli olacaq.
Trend.az
