Posted by 
Baş nazirin müavini: Polşa Azərbaycanda enerji resurslarının emalında iştirak etmək niyyətindədir
Avropa enerji resurslarının təhlükəsiz ixracının təmin edilməsi ilə bağlı yeni siyasət çərçivəsində Azərbaycanın bu sahədə potensialını mütləq nəzərə almalıdır. Polşa Baş nazirinin müavini Yanuş Pexoçinski belə hesab edir.
Trend-in məlumatına görə, o, Varşavada azərbaycanlı jurnalistlərlə görüşdə deyib: “Biz Azərbaycanın Türkiyədən keçən qaz kəmərinin [TANAP] tikintisi layihəsinin reallaşdırılması üçün hansı səylər göstərdiyini gözəl anlayırıq. Avropa enerji resurslarının təhlükəsiz ixracının təmin edilməsi ilə bağlı yeni siyasət çərçivəsində Azərbaycanın bu sahədə potensialını mütləq nəzərə almalıdır”.
Onun sözlərinə görə, Polşa üçün təkcə Azərbaycanla təbii qazın alınması üzrə deyil, həm də qaz kəmərinin tikintisi üzrə əməkdaşlıq daha çox maraq kəsb edir.
Qeyd edək ki, TANAP layihəsi “Şahdəniz” yatağından qazın Türkiyə ərazisi ilə Avropa sərhədlərinədək nəqlini nəzərdə tutur.
Trend.az
