Posted by 
Ölkə hökuməti «Azərbaycan Hava Yolları» Sərnişin Aviaşirkəti yaradıb
Nazirlər Kabineti «Azərbaycan Hava Yolları» QSC-nin (AZAL) Nizamnaməsinin və strukturunun təsdiq edilməsi haqqında» 2008-ci il 30 aprel tarixli qərarına dəyişikliklər edib.
APA-nın verdiyi məlumata görə, dəyişikliyə əsasən, «Azərbaycan Hava Yolları» QSC-nin strukturunda «Azərbaycan Hava Yolları» Sərnişin Aviaşirkəti yaradılıb.
«Qəbələ» Beynəlxalq Hava Limanı da «Azərbaycan Hava Yolları» QSC-nin strukturuna daxil edilib. Eyni zamanda, Lənkəran və Zaqatala aeroportlarına beynəlxalq hava limanı statusu verilib. Qərara əsasən, AZAL-ın strukturuna daxil olan Hava Gəmilərinə Texniki Xidmət İdarəsi və İstehsalat-Təsərrüfat İdarəsi ləğv edilib.
Apa.az
