Posted by Dekabr ayı ərzində Binəqədi rayonu üzrə sakinlərdən sosial sahələrə aid 2989 zəng daxil olub, onlardan 2356-na birbaşa cavab verilib, 790-ı ilə əks əlaqə yaradılıb. Bu, ötən ilin son ayı ərzində orta hesabla hər günə 96 zəng düşməsi deməkdir.
Bu barədə Binəqədi Rayon İcra Hakimiyyətindən məlumat veriblər.
Ay ərzində xidmət sahələri ilə əlaqədar 633 şikayət ərizəsi daxil olub. Müraciətlərin 497-si tam, 66-ı qismən həll olunub, 70 müraciət sahibinə müvafiq izahat verilib.
Rayon sakinlərinin müraciətlərinin 217-si su-kanalizasiya, 168-i qaz, 112-si elektrik təchizatı, 71-i lift problemləri, qalanları digər məsələlərlə əlaqədar olub. Həll olunan müraciətlərlə əlaqədar 32 dəfə təşəkkür edilib.
AZƏRTAC
