Posted by 
Nazir: “Bakı-Tbilisi-Qars bu ilin sonunadək istismara hazır vəziyyətə gətiriləcək”
“Azərbaycan bir sıra daxili və beynəlxalq əhəmiyyətli nəqliyyat dəhlizlərinin yaradılması istiqamətində iri layihələr həyata keçirir”. “APA-Economics” xəbər verir ki, bunu nəqliyyat naziri Ziya Məmmədov deyib.
“Buna misal olaraq Bakı-Tbilisi-Qars dəmir yolu dəhlizini, onun məntiqi tərkibi olan Bakı Beynəlxalq Ticarət Limanını, Şimal-Cənub nəqliyyat dəhlizini göstərmək olar. Bununla yanaşı, Qərb-Şərq dəhlizinin fəaliyyəti də olduqca əhəmiyyətlidir. Bakı-Tbilisi-Qars dəmir yolu bağlantısı ölkəmiz və region üçün olduqca əhəmiyyətli layihədir. Biz Avropa ilə Asiyanı, beləliklə, sivilizasiyaları birləşdirəcək bir layihəni icra edirik. Mərkəzi Asiya ölkələrindən tutmuş Şimali Avropa ölkələrinədək bu layihəyə böyük maraq göstərir”, – deyə Z. Məmmədov qeyd edib.
Nazir bildirib ki, Bakı-Tbilisi-Qars layihəsi bu ilin sonunadək istismara hazır vəziyyətə gətiriləcək. “Hazırda işlər sürətlə həyata keçirilir. Bir vacib məqamı qeyd edim ki, layihənin icrası çox mürəkkəb relyef təşkil edən ərazidə aparılır.
Apa.az
