Posted by 
Bələdiyyə üzvlüyünə namizədlərin irəli sürülməsi müddəti başa çatır
Sabah bələdiyyə üzvlüyünə namizədlərin irəli sürülməsi müddəti saat 18:00-da başa çatır. Trend-in məlumatrına görə, bunu bu gün Mərkəzi Seçki Komissiyasının iclasında MSK sədri Məzhair Pənahov söyləiyb.
Onun sözlərinə görə, indiyə qədər 34 140 nəfərin bələdiyyə üzvlüyünə namizədliyi irəli sürülüb.
M. Pənahov deyib ki, namizədliyini irəli sürənlərin 25 387 nəfəri kişi, 8753 nəfəri (34 faiz) qadındır:
“Namizədliyini irəli sürənlərin 22 min nəfəri ali təhsillidir. İndiyə qədər namizədliyi qeydə alınanların sayı 29 minə yaxındır. Nəzərə alsaq ki, bu seçkilər zamanı 15035 bələdiyyə üzvü seçilməlidir, deməli, hazırda 1 yerə 2 nəfər namizəd iddialıdır”.
Trend.az
