Posted by 
Riçard Morninqstar: “Beynəlxalq qüvvələrin çıxarılmasından sonra Azərbaycanın Əfqanıstanın inkişafı ilə bağlı üzərinə götürdüyü öhdəliyi yüksək qiymətləndiririk”
ABŞ-ın Azərbaycandakı səfiri ölkəsinin Əfqanıstan məsələsi ilə əlaqədar Azərbaycanla gələcək əməkdaşlığına aydınlıq gətirib.
APA-nın məlumatına görə, səfir Riçard Morninqstar jurnalistlərə açıqlamasında bildirib ki, ABŞ Əfqanıstanla bağlı Azərbaycanın etdiyi hər bir köməyi yüksək qiymətləndirir:
“Azərbaycanın öz ərazisindən Əfqanıstana ərzaq və digər lazımı ləvazimatların daşınmasında göstərdiyi xidmətləri yüksək qiymətləndiririk. 2014-cü ildə Əfqanıstandan beynəlxalq qüvvələrin çıxarılmasından sonra Azərbaycanın bu ölkənin inkişafı ilə bağlı üzərinə götürdüyü öhdəliyi xüsusilə yüksək dəyərləndiririk”, – deyə səfir vurğulayıb.
Apa.az
