Ombudsman Aparatının əməkdaşları polis şöbələrinə və hərbi polisin hauptvaxtına başçəkmələr həyata keçirilib

Ombudsman Aparatının əməkdaşları polis şöbələrinə və hərbi polisin hauptvaxtına başçəkmələr həyata keçirilib

Ombudsman Aparatının əməkdaşları Bərdə, Ucar, Kürdəmir rayon polis şöbələrinin (RPŞ) müvəqqəti saxlama yerlərinə (MSY), habelə Müdafiə Nazirliyinin Bərdə Qarnizonu Hərbi Polisinin hauptvaxtına qısamüddətli başçəkmələr həyata keçiriblər.

 

 

Ombudsman Aparatının mətbuat xidmətindən APA-ya verilən məlumata görə, başçəkmələrdə məqsəd həmin müəssisələrdə saxlanılma şəraiti, saxlanılan şəxslərlə rəftar, əvvəlki başçəkmlər zamanı verilmiş tövsiyələrin icrası vəziyyətinin öyrənilməsi olub.

 

 

Standartlara cavab verən həmin müəssisələrdə saxlanılan şəxslərlə söhbət zamanı onlar saxlanılma şəraiti və onlara qarşı rəftarla bağlı şikayət etməyiblər. Kürdəmir RPŞ-də saxlanılan şəxslərin şəxsi işlərinə və qeydiyyat kitablarına baxış zamanı aşkar edilən nöqsanlarla bağlı isə Ombudsman tərəfindən Daxili İşlər Nazirliyinə müraciət olunub.

 

 

Apa.az