Posted by 
Bakıda keçirilən II Qlobal Açıq Cəmiyyətlər Forumu Bosniya və Herseqovina mətbuatında geniş işıqlandırılmışdır
Bosniya və Herseqovinanın bir sıra xəbər agentliklərinin saytlarında Bakıda keçirilən II Qlobal Açıq Cəmiyyətlər Forumu ilə bağlı məqalələr yerləşdirilmişdir. Forum haqqında ətraflı məlumatların yer aldığı yazılarda qeyd olunur ki, 30-dan artıq sabiq dövlət və hökumət başçısını, Nizami Gəncəvi Beynəlxalq Mərkəzinin, Madrid Klubunun üzvlərini, müxtəlif beynəlxalq təşkilatların nümayəndələrini bir araya gətirən tədbirin açılışında Azərbaycan Prezidenti İlham Əliyev iştirak etmişdir.
Diqqətə çatdırılır ki, Forumun iştirakçısı, Bosniya və Herseqovinanın xarici işlər naziri Zlatko Lagumdziya tədbir çərçivəsində azərbaycanlı həmkarı Elmar Məmmədyarov ilə görüşmüşdür. Söhbət zamanı ikitərəfli əlaqələrin inkişaf perspektivləri, ölkələrimiz arasında iqtisadi və ticarət əməkdaşlığına dair fikir mübadiləsi aparılmışdır.
Məqalələrin mətnlərini aşağıdakı linklərdə oxumaq olar:
http://www.vijesti.ba/vijesti/bih/211697-Vlada-Azerbejdzana-zainteresirana-investira-BiH.html
http://www.mojevijesti.ba/novost/189223/Azerbejdzan-zainteresovan-za-infrastrukturne-projekte-u-BiH
http://www.federalna.ba/bhs/vijest/96388/prije-svega-investiranja-u-koridor-vc-te-zeljeznicki-koridor-x
AzərTac.az
