Azərbaycanda iri neft-qaz layihələrinin reallaşdırılması üçün ixtisaslı mütəxəssislərin hazırlanmasına dair memorandum imzalanıb

 

Azərbaycanda iri neft-qaz layihələrinin reallaşdırılması üçün ixtisaslı mütəxəssislərin hazırlanmasına dair memorandum imzalanıb

 

Azərbaycanda iri neft-qaz layihələrinin reallaşdırılması ixtisaslı mütəxəssislərin hazırlanmasını tələb edir. Trend-in məlumatına görə, bunu ARDNŞ-nin (Azərbaycan Respublikası Dövlət Neft Şirkəti) rəhbəri Rövnəq Abdullayev çərşənbə axşamı işlək əhalinin sosial müdafiəsi və əhalinin məşğulluğunun gücləndirilməsi haqqında memorandumların imzalanması zamanı bəyan edib.

Əmək və Əhalinin Sosial Müdafiəsi Nazirliyi birinci sənədi Sahibkarlar (İşəgötürənlər) Təşkilatları Milli Konfederasiyası, ikinci sənədi isə ARDNŞ-lə imzalayıb.

R.Abdullayevin sözlərinə görə, təkcə “Şahdəniz” qaz-kondensat yatağının işlənməsinin ikinci mərhələsinin reallaşdırılması üçün tikinti işlərinə 10 minə yaxın mütəxəssis tələb olunur: “Bu layihə səkkiz milyard dollar həcmində investisiyaları nəzərdə tutur və işlərin yarısı Azərbaycanda həyata keçiriləcək”.

Onun sözlərinə görə, layihənin həyata keçiriləcəyi ən qızğın dövrlərdə, yəni 2017-2019-cu illərdə ixtisaslı mütəxəssislərə tələbat xüsusilə böyük olacaq.

Həmçinin, Abdullayevin sözlərinə görə, ölkədə həyata keçirilən digər layihələr çərçivəsində də ixtisaslı kadrlara ehtiyac olacaq. Habelə ARDNŞ rəhbəri bildirib ki, karbamid zavodunun, Kimya Texnoloji Parkın, neft-kimya məhsullarının istehsalı üzrə yeni neft-qaz emalı kompleksinin tikintisi ilə bağlı layihələri də qeyd edib.

Abdullayevin sözlərinə görə, yeni qaz emalı zavodunun tikintisinə artıq bu ilin ortalarında başlanılması planlaşdırılır.

 

Trend.az