Azərbaycan prezidenti “Yol hərəkəti haqqında” qanuna dəyişikliyi təsdiq edib

Posted by

Azərbaycan prezidenti “Yol hərəkəti haqqında” qanuna dəyişikliyi təsdiq edibAzərbaycan prezidenti “Yol hərəkəti haqqında” qanuna dəyişikliyi təsdiq edib

Azərbaycan prezidenti “Yol hərəkəti haqqında” qanuna dəyişikliyi təsdiq edib

Azərbaycan prezidenti İlham Əliyev “Yol hərəkəti haqqında” qanunda dəyişiklik edilməsi barədə” 2015-ci il 28 aprel tarixli qanunun tətbiqi haqqında fərman imzalayıb.

 

APA-nın məlumatına görə, Nazirlər Kabinetinə Azərbaycan Respublikası qanunlarının və prezidentin aktlarının “Yol hərəkəti haqqında” qanunda dəyişiklik edilməsi barədə” qanuna uyğunlaşdırılması ilə bağlı təkliflərini 3 ay müddətində hazırlamaq, “Yol hərəkəti haqqında” qanunun 9-1-ci maddəsinin I hissəsinin ikinci cümləsinə və IV hissəsinə uyğun olaraq piyada zolağında hərəkətin svetoforla nizamlanması və avtomobil yollarında yerüstü və ya yeraltı keçidlərin tikilməsi vacib olan halları 6 ay müddətində müəyyən etmək, Nazirlər Kabinetinin normativ hüquqi aktlarının “Yol hərəkəti haqqında” qanunda dəyişiklik edilməsi barədə” qanuna uyğunlaşdırılmasını 3 ay müddətində təmin etmək, habelə mərkəzi icra hakimiyyəti orqanlarının normativ hüquqi aktlarının həmin qanuna uyğunlaşdırılmasını nəzarətdə saxlamaq və bunun icrası barədə 5 ay müddətində prezidentə məlumat vermək tapşırılıb.

 

Ədliyyə Nazirliyi isə mərkəzi icra hakimiyyəti orqanlarının normativ hüquqi aktlarının və normativ xarakterli aktların “Yol hərəkəti haqqında” qanunda dəyişiklik edilməsi barədə” qanuna uyğunlaşdırılmasını təmin edib Nazirlər Kabinetinə məlumat verməlidir.

 

Qeyd edək ki, “Yol hərəkəti haqqında” qanuna aşağıdakı məzmunda 9-1-ci maddə əlavə edilib.

 

I. Avtomobil yollarında piyada keçidləri təhsil, səhiyyə, iri ticarət (xidmət, istehsalat) müəssisələrinin, nəqliyyatın dayanacaq məntəqələrinin, idman, istirahət və turizm obyektlərinin və insanların kütləvi toplaşdığı digər obyektlərin yaxınlığında olmalıdır. Piyada zolağında hərəkətin svetoforla nizamlanması vacib olan hallar müvafiq icra hakimiyyəti orqanı tərəfindən müəyyən edilir.

 

II. Avtomagistralların yaşayış məntəqələrindən keçən hissələrində yerüstü və ya yeraltı keçidlər arasında məsafə 400-800 metr, digər avtomobil yollarının yaşayış məntəqələrindən keçən hissələrində isə piyada keçidləri arasında məsafə 150-300 metr (yolayrıcıları arasında daha az məsafə olduğu hallar istisna olmaqla) olmalıdır.

 

III. Avtomobil yollarında yerüstü və ya yeraltı keçidlər aşağıdakı hallarda tikilməlidir:

 

1. avtomagistrallarda – bu qanunun 9-1-ci maddəsinin I və II hissələri nəzərə alınmaqla;

2. digər avtomobil yollarında – nəqliyyat vasitələrinin hərəkət şiddəti 300 avtomobil/saatdan, piyadaların hərəkət şiddəti 3000 adam/saatdan və yolun hərəkət hissəsinin eni 14 metrdən çox olduqda.

 

IV. Bu Qanunun 9-1-ci maddəsinin III hissəsinin 2-ci bəndində nəzərdə tutulan avtomobil yollarında yerüstü və ya yeraltı keçidlərin tikilməsi vacib olan digər hallar müvafiq icra hakimiyyəti orqanı tərəfindən müəyyən edilir”.

 

Apa.az