SKMF Yardımlı rayonunda prioritet hesab olunan sahələr üzrə investisiya layihələrinin qəbuluna başlayır

Posted by

SKMF Yardımlı rayonunda prioritet hesab olunan sahələr üzrə investisiya layihələrinin qəbuluna başlayır

 

SKMF Yardımlı rayonunda prioritet hesab olunan sahələr üzrə investisiya layihələrinin qəbuluna başlayır

SKMF Yardımlı rayonunda prioritet hesab olunan sahələr üzrə investisiya layihələrinin qəbuluna başlayır

 

Sahibkarlığa Kömək Milli Fondu 2014-cü il yanvarın 24-də Yardımlı rayonunun Avaş kəndində “Sahibkarlığın inkişafına dövlət dəstəyi” mövzusunda tədbir keçirmişdir.

İqtisadiyyat və Sənaye Nazirliyinin mətbuat xidmətindən Trend-ə verilən məlumata görə, tədbir çərçivəsində yerli icra hakimiyyəti orqanlarının nümayəndələri və sahibkarlarla mövcud iqtisadi potensialdan daha səmərəli istifadə edilməsi məqsədilə müzakirələr aparılmış, Sahibkarlığa Kömək Milli Fondu tərəfindən Yardımlı rayonu üzrə sahibkarlıq subyektlərindən aşağıdakı istiqamətlərdə investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilmişdir:

– 50 başlıq südlük istiqamətli müasir ailə fermer təsərrüfatının yaradılması;

– arıçılıq təsərrüfatlarının o cümlədən, sənaye üsulu ilə bal istehsalı müəssisəsinin yaradılması;

– cır meşə meyvələrinin emalı müəssisəsinin yaradılması.

Sahibkarlar bu sahələr üzrə nümunəvi layihələri Sahibkarlığa Kömək Milli Fondundan əldə edə bilərlər. Sahibkarların istəyinə əsasən, kiçik həcmli investisiya layihələrinin dəyərinin 100%-dək hissəsi dövlətin güzəştli kreditləri hesabına maliyyələşdiriləcəkdir. Bu gündən etibarən sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Fonda müraciət edə bilərlər.

Əlavə məlumat üçün Sahibkarlığa Kömək Milli Fonduna müraciət etmək olar:

Ünvan: Bakı şəhəri, Yasamal rayonu, A.M.Şərifzadə küçəsi, 172

Telefon: (012) 434-74-29

Faks: (012) 432-37-17

e-mail: [email protected]

Sahibkarlığa Kömək Milli Fondu

 

Trend.az