Posted by 
Rusiya,Ukrayna və Avropa Birliyi arasında qaz danışıqlarının beşinci raundu nəticəsiz başa çatıb
İyunun 9-da Brüsseldə başlayan və gecə saatlarınadək davam edən Ukrayna, Rusiya və Avropa Birliyi arasında növbəti qaz danışıqları nəticəsiz başa çatıb.
APA-nın İTAR-TASS agentliyinə istinadən verdiyi məlumata görə, Avropa Birliyinin enerji məsələləri üzrə komissarı Günter Ettinqer belə deyib.
“Tərəflər yanlış hərəkətlərə yol verməməyə boyun olublar”, deyə Ettinqer bildirib.
Danışıqlar iyunun 10-u və yaxud 11-i davam edəcək. Beşinci raund çərçivəsində Ukrayna, Rusiya və Avropa Birliyi satılacaq qazın qiyməti, borcun ödənilməsi, qazın yeraltı anbarlara doldurulması və s. məsələləri müzakirə ediblər.
Qeyd edək ki, mayın 30-da Ukrayna Rusiyaya borcunun bir hissəsini – 800 milyon dollar ödəyib. Rusiya isə aprelin əvvəlindən Ukraynaya satılan qazın qiymətini 268 dolardan 485 dollara qədər artırıb.
Apa.az
