Posted by 
Cəzaçəkmə müəssisəsində uşaq evlərində yaşayan məhkum övladlarının anaları ilə görüşü təşkil edilib
Ailə, Qadın, Uşaq Problemləri üzrə Dövlət Komitəsinin nümayəndələrinin iştirakı ilə qadın məhkumların cəza çəkdiyi 4 saylı Cəzaçəkmə Müəssisəsində uşaq evlərində yaşayan məhkum övladlarının anaları ilə görüşü təşkil edilib.
Penitensiar Xidmətin ictimaiyyətlə əlaqələr şöbəsindən APA-ya verilən məlumata görə, görüş zamanı iştirakçılara uşaq hüquqları ilə bağlı qəbul edilən mühüm sənədlər və sosial proqramlar barədə məlumat verilib, onların həyata keçirilməsində dövlət orqanlarının funksiyalarına dövlət nəzarətinin vacibliyi qeyd olunub.
Valideyn məsuliyyəti hissinin təbliği məqsədilə təşkil edilmiş görüşdə uşaq evlərindən dəvət olunmuş müəllimlər də iştirak ediblər. Məhkum analar dəvət olunmuş nümayəndələrlə övladlarının təhsil və sosial qayğıları barədə fikir mübadiləsi aparıblar.
Apa.az
