Bir ay ərzində “Çağrı mərkəzi”nə 5 min 560 müraciət daxil olub

Posted by

Bir ay ərzində “Çağrı mərkəzi”nə 5 min 560 müraciət daxil olubBir ay ərzində “Çağrı mərkəzi”nə 5 min 560 müraciət daxil olub

Bir ay ərzində “Çağrı mərkəzi”nə 5 min 560 müraciət daxil olub

Son bir ayda Əmək və Əhalinin Sosial Müdafiəsi Nazirliyinin (ƏƏSMN) 142-“Çağrı mərkəzi”nə 5 min 560 müraciət daxil olub ki, onların 90,6 faizini nazirliyin fəaliyyət sahələri ilə bağlı vətəndaşların sorğuları təşkil edib.

Nazirlikdən AzərTAc-a bildiriblər ki, qeyd edilən dövrdə 142- “Çağrı mərkəzi”nə əmək qanunvericiliyinin tətbiqi, əmək hüquqlarının təminatı məsələləri ilə əlaqədar edilən 3 min 387 müraciətin 3 min 201-i (94,5 faiz), sosial təminat növlərindən istifadə, o cümlədən sosial müavinət məsələləri ilə əlaqədar daxil olan 1 min 597 müraciətin 1 min 364-ü (85,4 faiz) sorğu xarakterli olub.

Habelə əlilliyin müəyyən edilməsi və reabilitasiya məsələlərinə dair edilən 305 müraciətdən 235-i (77 faiz) və məşğulluğun təminatı, peşə hazırlığına cəlb olunma və s. məsələlərə dair 271 müraciətdən 240-ı (88,5 faiz) vətəndaşların həmin mövzularla bağlı sorğularından ibarət olub.

142-“Çağrı mərkəzi”nə daxil olan sorğu xarakterli müraciətlərə cavab olaraq ƏƏSMN-nin mütəxəssisləri tərəfindən müvafiq izahatlar verilib, digər müraciətlərlə bağlı nazirliyin aidiyyəti struktur bölmələrinin məsul şəxslərinin iştirakı ilə obyektiv tədbirlər görülüb.

 

AzərTac.az