Azərbaycanda ümumrespublika yayımı üçün yeni telekanalın açılması üzrə müsabiqənin qalibi açıqlandı

Posted by

Azərbaycanda ümumrespublika yayımı üçün yeni telekanalın açılması üzrə müsabiqənin qalibi açıqlandı

 

Azərbaycanda ümumrespublika yayımı üçün yeni telekanalın açılması üzrə müsabiqənin qalibi açıqlandı

Azərbaycanda ümumrespublika yayımı üçün yeni telekanalın açılması üzrə müsabiqənin qalibi açıqlandı

 

Bu gün Milli Televiziya və Radio Şurasının (MTRŞ) növbəti iclası keçirilib.

 

Şuradan Trend-ə daxil olan məlumata görə, iclasda Milli Televiziya və Radio Şurasının 14 yanvar 2014-cü il tarixli qərarı ilə ümumrespublika televiziya yayım kanalının açılması üçün (Bakı şəhəri və Abşeron yarımadasında 37-ci TV yayım kanalı, 11-ci sektor olmaqla) 22 yanvar 2014-cü il tarixdən 22 fevral 2014-cü il tarixədək elan edilmiş müsabiqədə iştirak etmiş “Brand in Baku” MMC, “Fatiyev Company” MMC, “Region TV” MMC-nin sənədlərinə baxılıb, müsabiqənin nəticələri müzakirə edilib.

 

Qərara əsasən digər iddiaçılarla müqayisədə daha üstün yaradıcılıq imkanlarına, daha münasib maddi-texniki bazaya və peşəkar kadr potensialına malik olan “Region TV” MMC ümumrespublika televiziya yayım kanalının açılması üçün (Bakı şəhəri və Abşeron yarımadasında 37-ci TV yayım kanalı, 11-ci sektor olmaqla) 22 yanvar 2014-cü il tarixdən 22 fevral 2014-cü il tarixədək elan edilmiş müsabiqənin qalibi elan edilib və ona 37-ci TV yayım kanalı, 11-ci sektor olmaqla ümumrespublika televiziya yayımı üçün 6 il müddətinə xüsusi razılıq (lisenziya) verilib.

Qeyd edək ki, bununla da ölkə üzrə yayımlanan ümumrespublika televiziya kanallarının sayı 10-a çatıb. Region TV-nin Bakıda yayıma başlayacağı tarix isə 2014-cü ilin may ayına planlaşdırılır. Region TV Bakı və Abşeron yarımadası ərazisində 37-ci tezlikdə (11 sektor) yayımlanacaq. Bölgələrdə isə yayım regional telekanalların – Kəpəz TV, RTV, CTV, EL TV və Kanal S-in siqnalları vasitəsilə həyata keçiriləcək. Açıq yayımla yanaşı, Region TV Azərbaycanın ilk peyki olan AzerSpace1-in Avropa seqmentində, kabel TV-lər, həmçinin internet vasitəsilə də yayımlanacaq.

 

Yaxın gələcəkdə ölkədə analoq yayımın dayandırılacağını nəzərə alaraq, Region TV, eləcə də bütün regional kanalların yayımı rəqəmsal (DVB – T) formatda həyata keçiriləcək.

 

Trend.az