Posted by 
AZAL ABŞ-a aviareyslərin sayını artırır
“Azərbaycan Hava Yolları” QSC (AZAL) bu il dekabrın 8-dən Bakı-Nyu-York-Bakı marşrutu üzrə aviareyslərinin sayını artıracaq.
Trend-in AZAL-ın saytına istinadən verdiyi məlumata görə, həmin marşrut üzrə reyslərin sayı 3-ə çatdırılacaq. Hazırda aviareyslər çərşənbə və şənbə günləri həyata keçirilir, dekabrın 8-dən isə reyslər bazar ertəsi də reallaşdırılacaq.
Məlumatda qeyd edilir ki, təyyarələr bazar ertəsi Bakıdan çərşənbə və şənbə günlərində olduğu kimi, yerli vaxtla saat 06:00-da uçacaqlar, Nyu-Yorka isə saat 09:30-da (yerli vaxtla) gələcəklər.
Nyu-Yorkdan Bakıya uçuşlar həftənin həmin günləri yerli vaxtla saat 11:30-da həyata keçiriləcək, Bakıya gəliş vaxtı isə növbəti gün saat 08:00-da olacaq.
Qeyd edək ki, AZAL sentyabrın 24-dən Bakı-Nyu-York-Bakı marşrutu üzrə mütəmadi birbaşa aviareyslərin reallaşdırılmasına başlayıb.
Trend.az
