Posted by 
Avropa Məhkəməsi Ermənistan vətəndaşlarının işğal edilmiş Dağlıq Qarabağda hərbi xidmət keçməsinin qanuniliyini araşdırır
Avropa İnsan Haqları Məhkəməsi Ermənistan vətəndaşlarının Azərbaycanın işğal edilmiş Dağlıq Qarabağ regionunda orduda xidmət keçmək üçün əsasları ilə əlaqədar rəsmi Yerevana müraciət edib.
Trend-in “Armenianreport” saytına istinadən verdiyi məlumata görə, Avropa Məhkəməsi “Qraçik Muradyan Ermənistan Respublikasına qarşı” işi çərçivəsində bu məsələ ilə bağlı Ermənistan hökumətinə müraciət edib.
Qeyd edilir ki, bu məsələ dinc şəraitdə ölən əsgərlərin doğmaları tərəfindən dəfələrlə qaldırılıb.
Ermənistan vətəndaşları uzun illərdir məcburi əsasda Ermənistan da daxil olmaqla, dünyanın heç bir ölkəsi tərəfindən tanınmayan, Azərbaycanın işğal edilmiş Dağlıq Qarabağ bölgəsində orduya çağırılır ki, bu da beynəlxalq normaların pozulması deməkdir.
Trend.az
