ATƏT-in fəaliyyətdə olan sədri iyunda Cənubi Qafqaza səfər edəcək

ATƏT-in fəaliyyətdə olan sədri iyunda Cənubi Qafqaza səfər edəcək

ATƏT-in fəaliyyətdə olan sədri, İsveçrənin xarici işlər naziri Didye Burkhalter iyun ayında Cənubi Qafqaza səfər etməyi planlaşdırır.

 

APA-nın diplomatik mənbələrə istinadən xəbərinə görə, D.Burkhalter regionun hər üç ölkəsinə – Azərbaycan, Ermənistan və Gürcüstana səfər edəcək.

 

Səfər çərçivəsində bu ölkələrin ATƏT-lə əməkdaşlıq imkanları, regiondakı münaqişələrin, o cümlədən Dağlıq Qarabağ konfliktinin nizamlanması məsələləri müzakirə olunacaq.

 

Qeyd edək ki, İsveçrə Cənubi Qafqazı 2014-cü ildə ATƏT-ə sədrliyinin əsas coğrafi prioritetlərindən biri elan edib.

 

Apa.az