Posted by 
IACA Assambleyasının üçüncü sessiyasının Bakıda keçirilməsi Azərbaycanda korrupsiyaya qarşı mübarizə işlərinə verilən qiymətin təzahürüdür
Beynəlxalq Antikorrupsiya Akademiyasının ali orqanı – üzv dövlətlərin Assambleyasının üçüncü sessiyasının Bakıda keçirilməsi Azərbaycanda korrupsiyaya qarşı mübarizə işlərinə verilən qiymətin təzahürüdür.
AzərTAc xəbər verir ki, bu sözləri Azərbaycan Respublikasının Baş Prokuroru yanında Korrupsiyaya Qarşı Mübarizə Baş İdarəsinin rəisi Kamran Əliyev jurnalistlərə açıqlamasında bildirib.
K.Əliyev deyib ki, dünyanın 45-dən çox ölkəsindən, beynəlxalq təşkilatlardan nümayəndələr bu mötəbər tədbirdə iştirak etmək üçün Azərbaycana gəliblər. Sessiyada bir çox məsələlər müzakirə olunacaq, tədbirin sonunda müvafiq sənədlər qəbul ediləcək.
AzərTac.az
