Posted by 
Xocalı şagirdləri üçün vətənpərvərlik mövzusuna həsr olunmuş əlavə dərs tədris olunub
Təhsil Nazirliyi ilə Heydər Əliyev Mərkəzinin birgə layihəsi çərçivəsində Xocalı şəhər 2 nömrəli tam orta məktəbin şagirdləri üçün Heydər Əliyev Mərkəzində vətənpərvərlik mövzusuna həsr olunmuş əlavə dərs tədris olunub.
Trend xəbər verir ki, şagirdlərin vətənpərvərlik tərbiyəsində mühüm əhəmiyyət kəsb edən dərsin tədrisində əsas məqsəd müasir Azərbaycan tarixi haqqında məktəblilərə daha dolğun və əhatəli məlumatların verilməsidir.
Eyni zamanda, dərslər və müvafiq ekskursiyalar şagirdlərin milli-mənəvi dəyərlərə malik, sağlam əqidəli, müasir dünyagörüşlü şəxsiyyət kimi formalaşmasına və müstəqil həyata hazırlanmasına xidmət edir.
Trend.az
