Posted by 
Qazaxıstanın internet saytında Azərbaycanın “Mirvari” gəmisi haqqında yazı yerləşdirilmişdir
Qazaxıstanın “Inform.kz” internet saytında “Xəzər dənizində sərnişin teploxodunu internetlə təchiz edəcəklər” sərlövhəli yazı yerləşdirilmişdir.
Yazıda Bakının Dənizkənarı Milli Parkında dəniz gəzintiləri üçün nəzərdə tutulan yeni üçmərtəbəli “Mirvari” gəmisinin Wi-Fi internet vasitəsilə təchiz ediləcəyi bildirilmişdir. Saytın məlumatına görə, layihə qiymətləndirilmə mərhələsindədir və Wi-Fi şəbəkəsi 40-50 kilometr radiusu əhatə edəcəkdir.
Saytda teploxodun 650-dək sərnişin tutumuna malik olduğu və Azərbaycanın sifarişi ilə Türkiyə şirkəti tərəfindən hazırlandığı da qeyd olunmuşdur.
AzərTAc.az
