Azərbaycan Avropa Şurası qarşısında götürdüyü öhdəlikləri uğurla yerinə yetirir

Azərbaycan Avropa Şurası qarşısında götürdüyü öhdəlikləri uğurla yerinə yetirir

Sentyabrın 23-də Azərbaycan Respublikası Milli Məclisinin sədri Oqtay Əsədov ölkəmizdə səfərdə olan Avropa Şurası Parlament Assambleyasının (AŞPA) sədri xanım Ann Brasör ilə görüşüb.

AzərTAc xəbər verir ki, Oqtay Əsədov belə səfərlərin, keçirilən görüşlərin Azərbaycan ilə Avropa Şurası və onun Parlament Assambleyası arasında əlaqələrin inkişafına töhfə verdiyini bildirib.

Milli Məclisin sədri deyib ki, Azərbaycan Avropa Şurası ilə əlaqələrin daha da dərinləşdirilməsində maraqlıdır və ölkəmiz təşkilat qarşısında götürdüyü öhdəlikləri uğurla yerinə yetirir.

Azərbaycan nümayəndə heyətinin AŞPA-dakı fəaliyyətini yüksək qiymətləndirən Ann Brasör təşkilatın prinsiplərinin üzv ölkələri birləşdirən ən başlıca amil olduğunu diqqətə çatdırıb.

 

AzərTAc/az