Posted by Azərbaycanda Əmək Məcəlləsinə korrupsiya ilə əlaqədar məlumat verən şəxsin hüquqlarının qorunması üçün əlavələr edilir.
Trend-in məlumatına görə, bununla bağlı Milli Məclisin Əmək və sosial siyasət komitəsinin bu gün keçirilən iclasında məlumat verən komitə sədri Hadı Rəcəbli bildirib ki, yeni əlavəyə əsasən, idarə, müəssisə və ya təşkilatın korrupsiya ilə əlaqədar hüquqpozmalarla bağlı məlumat vermiş işçisi barədə intizam tənbehi tətbiq edən idarə, müəssisə və ya təşkilat intizam tənbehinin qanunla müəyyən edilmiş hallardan irəli gəlməsini və korrupsiya ilə əlaqədar hüquqpozmalarla bağlı məlumata aidiyyatı olmadığını əsaslandırmalıdır.
Bundan əlavə, yeni təklif edilən əlavəyə görə, korrupsiya ilə əlaqədar hüquqpozmalarla bağlı məlumat vermiş işçi attestasiyadan keçirildikdə idarə, müəssisə və ya təşkilatın hüquqpozmalarla bağlı məlumatların verilməsi üçün müəyyən edilən müvafiq vəzifəli şəxsi və ya struktur bölməsinin nümayəndəsi attestasiya komissiyasının iclasında iştirak etməlidir: “Bu dəyişikliyi etməkdə məqsəd odur ki, işçi korrpusiya ilə əlaqədar məlumat verdikdə rəhbər əlinə fürsət düşən kimi onu attestasiyadan keçirməyərək işdən çıxarır. Biz belə halların qarşısını almaq istəyirik”
Trend.az
