Posted by 
Kəmaləddin Heydərov Əfqanıstanın mədən və neft naziri ilə görüşüb
Fövqəladə hallar naziri Kəmaləddin Heydərov bu gün ölkəmizdə səfərdə olan Əfqanıstan İslam Respublikasının mədən və neft naziri Daud Şah Sabanın rəhbərlik etdiyi nümayəndə heyəti ilə görüşüb.
Fövqəladə Hallar Nazirliyinin (FHN) mətbuat xidmətindən Trend-ə verilən xəbərə görə, qonaqları səmimi salamlayan K.Heydərov FHN-in fəaliyyəti haqqında ətraflı məlumat verib, iki ölkənin müvafiq qurumları arasında qarşılıqlı faydalı əməkdaşlığın geniş perspektivləri olduğunu vurğulayıb. Nazir bildirib ki, iki dost ölkənin dövlət və hökumət nümayəndələrinin qarşılıqlı səfərləri əlaqələrin inkişafına stimul verir.
Səmimi qəbula görə təşəkkür edən D.Saba bildirib ki, onun rəhbərlik etdiyi nazirlik FHN ilə müvafiq sahələrdə əməkdaşlığın daha da möhkəmləndirilməsində maraqlıdır.
Görüşdə qarşılıqlı maraq doğuran digər məsələlər ətrafında fikir mübadiləsi aparılıb.
Trend.az
