Posted by 
Bakıda “Şəfa” stadionu yanında yeraltı piyada keçidinin tikintisi başa çatıb
Azərbaycan Nəqliyyat Nazirliyi “Azəryolservis” ASC Heydər Əliyev prospektində “Şəfa” stadionunun yaxınlığında yeraltı piyada keçidinin tikintisini başa çatdırıb. Bu barədə çərşənbə günü Trend-ə “Azəryolservis” ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, piyada keçidinin uzunluğu 105, eni 12 metr, hündürlüyü üç metrdir. Keçidin dörd girişi və çıxışı var. Artıq vətəndaşlar keçiddən istifadə edirlər.
Habelə göstərilən ərazidə yeraltı tunelin tikintisi də tamamlanma mərhələsindədir. Tunelin uzunluğu 940 metr, eni 16 metrdir. Tunel dörd zolaqdan ibarət olacaq və avtomobillərin hərəkəti iki istiqamətli olacaq: “Tunelin qapalı hissəsi 225 metrdir. Tikinti işləri asfalt-beton örtüyünün salınmasından və keçid yollarının tikintisindən sonra başa çatacaq”.
Trend.az
