Posted by 
Bakıda Beynəlxalq Avrasiya Mətbuat Fonduna BMT-nin İqtisadi-Sosial Şurasının yüksək məşvərətçi statusunun verilməsi ilə əlaqədar tədbir keçirilir
Aprelin 22-də Bakıda Beynəlxalq Avrasiya Mətbuat Fonduna BMT-nin İqtisadi-Sosial Şurasının yüksək məşvərətçi statusunun verilməsi ilə əlaqədar tədbir keçirilir.
AzərTAc xəbər verir ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının və BMT-nin Azərbaycandakı nümayəndəliyinin birgə təşkilatçılığı ilə keçirilən tədbirdə xarici ölkələrin Bakıda akkreditə olunmuş diplomatik korpusunun nümayəndələri, QHT-lərin təmsilçiləri, jurnalistlər iştirak edirlər.
Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyev tədbirdə çıxış edərək ölkəmizdə vətəndaş cəmiyyətinin inkişafı istiqamətində görülən işlərdən danışmışdır.
AzərTac.az
