Azərbaycanda yeni dərman vasitəsi ixtira olunub

Azərbaycanda yeni dərman vasitəsi ixtira olunub

Azərbaycanda yeni dərman vasitəsi ixtira olunub.

 

APA-nın xəbərinə görə, Azərbaycan Milli Elmlər Akademiyasının Rəyasət Heyətinin iclasında çıxış edən Neft-Kimya Prosesləri İnstitutunun direktoru, akademik Vaqif Abbasov bildirib ki, “Ağ Naftalan yağı” oktyabrın 23-də Səhiyyə Nazirliyi tərəfindən dərman vasitəsi kimi qeydə alınıb.

 

Onun sözlərinə görə, akademiya tarixində ilk dərmandır ki, bunun istifadəsinə icazə verilib: “Dərmanın hazırlanması üçün vanna kimi istifadə edilən Naftalan neftinin tullantısından yağ alınıb. “Ağ Naftalan yağı”ndan dərman kimi istifadəsinə icazə verilib. Yeni dərman burun-boğaz xəstəlikləri üçün istifadə olunması nəzərdə tutulur”.

 

V.Abbasov əlavə edib ki, Naftalan neftindən digər dərman preparatlarının hazırlanması üçün də tədqiqatlar aparılmalıdır: “Naftalan neftindən yalnız vanna kimi istifadə edilməsi erası qurtarmalıdır. Çünki bu, həm də ətraf mühitə ziyan vurur”.

APA.az