Azərbaycanda 10 min şagirdin sağlamlıq vəziyyətinin monitorinqi keçirilir

Posted by

Azərbaycanda 10 min şagirdin sağlamlıq vəziyyətinin monitorinqi keçirilirAzərbaycanda 10 min şagirdin sağlamlıq vəziyyətinin monitorinqi keçirilir

Azərbaycanda 10 min şagirdin sağlamlıq vəziyyətinin monitorinqi keçirilir

Azərbaycan Təhsil Nazirliyi 10 min şagirdin sağlamlıq vəziyyətinin tibbi-gigiyenik və psixoloji-pedaqoji monitorinqini keçirir.

 

Trend xəbər verir ki, Təhsil Nazirliyinin ümumi təhsil sahəsində bu il gördüyü işlərə dair hesabatına əsasən, bundan əlavə, bu il fizika-riyaziyyat və informatika təmayüllü liseydə İnformatika üzrə Olimpiada Mərkəzi açılıb. Olimpiada Mərkəzinin yaradılmasının əsas məqsədi istedadlı şagirdlərin seçilib inkişaf etdirilməsi və şagirdlərin olimpiadalara mütəşəkkil və davamlı şəkildə hazırlanmasının təşkilindən ibarətdir.

 

Təhsil Nazirliyi tərəfindən müsabiqə əsasında Dərslikləri Qiymətləndirmə Şurasının yeni tərkibi formalaşdırılıb.

 

Hazırda Bakı şəhərində yerləşən 3 internat məktəbində əsaslı təmir və tikinti işləri aparılır, 4 internat məktəbində isə 2015-ci ildə təmir işlərinin başlanılması nəzərdə tutulur.

 

2014-cü ildə Təhsil Nazirliyinin sifarişi ilə 3 dövlət təhsil müəssisəsi tikilib, 2 təhsil müəssisəsində əsaslı təmir işləri aparılıb, 94 tədris ocağı isə cari təmir edilib.

 

2015-ci ildə 92 təhsil müəssisəsi üçün yeni binanın tikintisi, 64 təhsil müəssisəsinin binasının əsaslı təmir olunması və 50 təhsil müəssisəsinin binasında isə cari təmir işlərinin aparılması nəzərdə tutulub.

 

Trend.az