Posted by 
Azərbaycan-Türkiyə birgə taktiki hərbi təlimləri başlayıb
Bu gündən etibarən Azərbaycan-Türkiyə birgə taktiki hərbi təlimləri başlayıb.
Müdafiə Nazirliyinin mətbuat xidmətindən Trend-ə bildiriblər ki, Azərbaycanla Türkiyə arasında hərbi əməkdaşlıq haqqında sazişə əsasən, mayın 12-dən Bakıda və Naxçıvanda iki ölkənin Silahlı Qüvvələrinin qoşun növlərinin cəlb olunduğu birgə taktiki təlimlər başlayıb.
Təlimlərin Naxçıvanda keçirilən mərhələlərindən biri Azərbaycanın Müdafiə naziri general-polkovnik Zakir Həsənov və Türkiyənin 3-cü ordu komandanı, ordu generalı Ümit Dündarın ümumi nəzarət və müşahidəsi ilə həyata keçiriləcək.
Təlimlər mayın 16-dək davam edəcək.
Trend.az
