Posted by 
Azərbaycan ərazisində fevralın 3-də havanın temperaturu iqlim normasından 8.4 dərəcə aşağı olub
Ekologiya və Təbii Sərvətlər Nazirliyinin Milli Hidrometeorologiya Departamenti ölkə ərazisində müşahidə olunan faktiki hava ilə bağlı məlumat yayıb.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən xəbərə görə, gözlənildiyi kimi ölkə ərazisində anomal soyuq, şaxtalı hava şəraiti davam edib. Havanın temperaturu fevralın 3-də iqlim normasından 8.4 dərəcə aşağı olub, minimal temperatur Bakı və Abşeron yarımadasında 7 dərəcəyədək şaxta, aran rayonlarında 11 dərəcəyədək şaxta, Kiçik Qafqazda 20 dərəcəyədək şaxta, Böyük Qafqazda 16 dərəcəyədək şaxta, bəzi ərazilərdə 20 dərəcəyədək şaxta, Şahdağda 23 dərəcə şaxta, Naxçıvan MR-da 10-17 dərəcə şaxta təşkil edib.
Fevralın 3-də gün ərzində əksər rayonlarda hava şəraiti əsasən yağmursuz keçib, lakin bəzi şərq rayonlarında, axşam və səhər saatlarında isə Bakı və Abşeron yarımadasında qar (0.0-2.0 mm) yağıb. Düşən yağıntının miqdarı Lerikdə 9.0 mm, Rvarudda (Lerik) 3.0 mm, Biləsuvar, Lənkəran, Astara, Yardımlı, Göytəpədə 0.0-1.0 mm olub.
Qar örtüyünün hündürlüyü Lənkəran-Astara zonasında 19-67 sm, Kiçik Qafqazda 7-13 sm, Böyük Qafqazda 25 sm, Qazax-Gəncə bölgəsində 2-6 sm, Mərkəzi aran rayonlarında 3 sm-ə çatıb.
Apa.az
