ATƏT-in Yüksək Səviyyəli Planlaşdırma qrupunun nümayəndələrinin iştirakı ilə qoşunların təmas xəttində monitorinq keçiriləcəkdir

ATƏT-in Yüksək Səviyyəli Planlaşdırma qrupunun nümayəndələrinin iştirakı ilə qoşunların təmas xəttində monitorinq keçiriləcəkdir

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq iyunun 10-da Azərbaycan Respublikasının Füzuli rayonunun ərazisində, Füzuli-Horadiz yolunun şimal istiqamətindəki təmas xəttində monitorinqin keçirilməsi planlaşdırılır.

 

Müdafiə Nazirliyinin mətbuat xidmətindən AzərTAc-a bildirmişlər ki, monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin səhra köməkçiləri Xristo Xristov və Piter Svedberq, ATƏT-in Yüksək Səviyyəli Planlaşdırma qrupunun nümayəndəsi, polkovnik İlhami Dəyirmançıoğlu (Türkiyə) keçirəcəklər.

Təmas xəttinin qarşı tərəfində isə monitorinqə ATƏT-in fəaliyyətdə olan sədrinin şəxsi nümayəndəsinin səhra köməkçiləri Yevgeni Şarov və Jiri Aberle, ATƏT-in Yüksək Səviyyəli Planlaşdırma qrupunun nümayəndəsi, polkovnik-leytenant Dan Harvey (İsveçrə) nəzarət edəcəklər.

 

AzərTac.az