Almaniyanın Azərbaycandakı səfiri Berlində keçirilən səfirlərin konfransında iştirak edir

Almaniyanın Azərbaycandakı səfiri Berlində keçirilən səfirlərin konfransında iştirak edir

Almaniyanın Azərbaycandakı səfiri Haydrun Tempel ‬Berlində, Almaniyanın xarici işlər nazirliyində keçirilən səfirlərin konfransında iştirak edir.

Trend-in məlumatına görə, bu barədə Almaniyanın Azərbaycandakı Səfirliyinin rəsmi facebook səhifəsində bildirilib.

Qeyd edək ki, avqustun 25-i başlayan və 28-ə kimi davam edəcək konfransda Almaniyanın müxtəlif ölkələrə akreditə olunmuş səfirləri və konsulları, eyni zamanda görkəmli siyasətçilər, biznes nümayəndələri və ekspertlər iştirak edir.

Bu il sözügedən konfransın mövzusu “2014-cü ilin təhlili – Almaniya xarici siyasətinə yeni baxış”dır. (Review 2014 – A Fresh Look at German Foreign Policy )

Konfrans çərçivəsində keçirilən forum və seminarlarda Almaniyadan və digər ölkələrdən olan ekspertlər səfirlər ilə birgə xarici siyasətin cari məsələrini müzakirə edəcəklər.

 

Trend.az