Posted by 
ABŞ Dövlət Departamenti: 1915-ci il hadisələri ilə bağlı məsələyə əvvəlki illərdəki yanaşmanın doğru olduğuna inanırıq
Prezident Barak Obama 1915 hadisələri ilə əlaqədar öz münasibətini davamlı olaraq ifadə edib.
APA-nın Ağ Evin saytına istinadən verdiyi xəbərə görə, bu barədə ABŞ Dövlət Departamentinin nümayəndəsi Mari Harf 24 aprel – qondarma “erməni soyqırımı” ilə bağlı bildirib.
“Bu məsələ ilə bağlı Ağ Evin mövqeyi bəllidir. Bilirik ki, bəziləri bu il başqa şey eşitmək istəyirdi. Amma biz əvvəlki illərdəki yanaşmanın doğru olduğuna inanırıq. Builki yanaşmamız – həm keçmişi etiraf etmək, həm də regional tərəfdaşlarımızla çalışaraq gələcəkdə əmin-amanlığa nail ola bilmək istiqamətindədir. Bunun vacib olduğunu hiss edirik”, – deyə M.Harf bildirib.
Onun sözlərinə görə, prezident Obama 1915-ci il hadisələri ilə əlaqədar öz münasibətini davamlı olaraq ifadə edib: “Bəzi dairələr bu il fərqli ifadələr eşitmək arzusundadır, bunu anlayırıq və həssaslıqla yanaşırıq. Amma mövcud yanaşma tərzinin doğru olmasına da şübhə etmirik”.
Apa.az
