Posted by 
Elman Mehdiyev: “Azərbaycanda mart ayı üzrə pensiyaların maliyyələşdirilməsi Novruz bayramınadək başa çatdırılıb”
Azərbaycan Dövlət Sosial Müdafiə Fondu (DSMF) mart ayı üzrə pensiyaların maliyyələşdirilməsini başa çatdırıb.
Trend-in məlumatına görə, bu barədə KİV nümayəndələrinə açıqlama verən Dövlət Sosial Müdafiə Fondunun sədri Elman Mehdiyev bildirib ki, mart ayı üzrə pensiyaların maliyyələşdirilməsinin Novruz bayramınadək yekunlaşdırılması planlaşdırılırdı. Buna uyğun olaraq artıq pensiyaların maliyyələşməsi bütün ölkə üzrə tam başa çatdırılıb və müvafiq vəsaitlər pensiyaçıların hesablarına köçürülüb: “Ümumilikdə, bu ilin yanvar və fevral aylarında da pensiyaların maliyyələşdirilməsində heç bir problem müşahidə olunmayıb”.
DSMF-dən verilən məlumata görə, 2014-cü ilin yanvarın 1-i tarixinə Azərbaycanda əmək pensiyası alan şəxslərin sayı 1 277 053 nəfər təşkil edir. Onlardan 62 faizi yaşa görə, 27,3 faizi əlilliyə görə, 10,7 faizi ailə başcısını itirməyə görə əmək pensiyası alır.
Trend.az
